حیدرآباد دکن(ملت آن لائن)بھارتی ریاست تلنگانہ کے سینما گھر میں قومی ترانے کے احترام میں کھڑا نہ ہونے پر 3 کشمیریوں کو گرفتار کرکے مقدمہ درج کرلیا گیا۔
بھارتی میڈیا رپورٹس کے مطابق تلنگانہ کے دارالحکومت حیدرآباد کے سینما میں فلم شروع ہونے سے قبل اسکرین پر بجائے جانے والے قومی ترانے پر کھڑے نہ ہونے کی وجہ سے پولیس نے تین کشمیری نوجوانوں جمیل گل، عمر فیض اور مدبر شبیر کو گرفتار کرکے مقدمہ درج کرلیا، تاہم انہیں ضمانت پر رہا کردیا گیا ہے۔
پولیس کے مطابق مذکورہ تینوں نوجوانوں کے خلاف قومی ترانے کی توہین کے الزام میں مقدمہ درج کیا گیا۔ سینما میں ایک اعلیٰ پولیس افسر موجود تھا جس نے پولیس کو اس بارے میں بتا کر طلبہ کو گرفتار کروایا۔ یہ تینوں نوجوان مقامی کالج میں انجینئرنگ کے طالب علم اور ہاسٹل میں مقیم ہیں۔
واضح رہے کہ بھارتی سینما میں فلم سے قبل قومی ترانہ بجانا لازمی قرار دے دیا گیا ہے اور اس دوران کھڑے نہ ہونے والے افراد کے خلاف کارروائی کے لیے سخت قانون بنایا گیا ہے۔
پولیس کے مطابق مذکورہ تینوں نوجوانوں کے خلاف قومی ترانے کی توہین کے الزام میں مقدمہ درج کیا گیا۔ سینما میں ایک اعلیٰ پولیس افسر موجود تھا جس نے پولیس کو اس بارے میں بتا کر طلبہ کو گرفتار کروایا۔ یہ تینوں نوجوان مقامی کالج میں انجینئرنگ کے طالب علم اور ہاسٹل میں مقیم ہیں۔
واضح رہے کہ بھارتی سینما میں فلم سے قبل قومی ترانہ بجانا لازمی قرار دے دیا گیا ہے اور اس دوران کھڑے نہ ہونے والے افراد کے خلاف کارروائی کے لیے سخت قانون بنایا گیا ہے۔