مقبوضہ کشمیر، بھارتی فوجیوں نے ہائیکورٹ کے وکیل کو مارپیٹ کا نشانہ بنایا
سرینگر:(ملت آن لائن) مقبوضہ کشمیر میں بھارتی فوجیوں نے سرینگر کے مضافاتی علاقے شالہ ٹینگ میں ہائیکورٹ کے ایک سینئر وکیل جہانگیر احمد ڈا ر کوبلاوجہ سخت مارپیٹ کا نشانہ بنایا۔ کشمیر میڈیاسروس کے مطابق جہانگیر احمد نے ذرائع ابلاغ کے نمائندوں کو بتایا کہ وہ شالہ ٹینگ کے علاقے سے اپنی گاڑی میں گزر رہے تھے کہ بھارتی فوجیوں نے انکی گاڑی کو روک کر اسے گھسیٹ کو نیچے اتارا اور ڈنڈوں سے مارا پیٹا۔ ایڈووکیٹ جہانگیر کے مطابق قابض فوجی اہلکاروں نے کئی منٹ تک ڈنڈوں اور بندوقوں کے بھٹوں سے اسکے سر پر وار کیے جس کے سبب اسے سخت چوٹیں آئیں۔ انہوں نے کہا کہ اگر آس پاس موجود لوگ مداخلت نہ کرتے تو فوجی اہلکار اسے مار مار کر قتل کر دیتے ۔ دریں اثنا مقبوضہ کشمیر ہائیکورٹ بار ایسوسی ایشن نے واقعے کی سخت مذمت کرتے ہوئے وکیل کی مار پیٹ میں ملوث فوجی اہلکاروں کو فوری طور پر گرفتار کرنے کا مطالبہ کیا ہے۔
خبرنامہ کشمیر
مقبوضہ کشمیر، بھارتی فوجیوں نے ہائیکورٹ کے وکیل کو مارپیٹ کا نشانہ بنایا
![](http://www.millat.com/wp-content/uploads/2017/04/Kashmir-LOC-Indian-Army.jpg)