سرینگر /نئی دہلی (آئی این پی)حریت رہنما میر واعظ عمرفاروق نے مقبوضہ کشمیر کی گھمبیرصورت حال پر عالمی رہنماؤں کو خط لکھ دیا جس میں مطالبہ کیا گیا ہے کہ عالمی برادری مسئلے کے حل میں کردار ادا کرے کیونکہ پاکستان اور بھارت ایسا کرنے کے قابل نہیں ہیں۔بھارتی میڈیا کے مطابق حریت رہنما میر واعظ عمرفاروق نے عالمی رہنماوں کو خط لکھ دیا ہے جس میں مطالبہ کیا گیا ہے کہ عالمی برادری مسئلے کے حل میں کردار ادا کرے کیونکہ پاکستان اور بھارت ایسا کرنے کے قابل نہیں ہیں۔میر واعظ عمر فارق نے یہ خط اقوام متحدہ ، پوپ فرانسس ، دلائی لاما ، امام کعبہ ، شنکر اچاریہ اور دہلی میں تعینات مختلف ممالک کے سفیروں کے نام تحریر کیا ہے ۔خط میں عالمی رہنماوں اور سول سوسائٹی کے نمائندوں کی توجہ مقبوضہ وادی میں جاری بھارتی ظلم کی جانب مبذول کرائی گئی ہے ۔خط میں کہا گیا ہے کہ پوری وادی کے عوام گھروں میں محصور ہو کر رہ گئے ہیں ۔۔ موبائل فون اور انٹرنیٹ سروس بند ہے ۔۔ غذائی اشیا کی ترسیل روکی جاری ہے اور دنیا کو اصل صورت حال سے بے خبر رکھنے کے لیے میڈیا پر بھی پابندیاں ہیں ۔ اس کے علاوہ انسانی حقوق تنظیموں کو بھی وادی میں آنے سے روکا جارہا ہے ۔میر واعظ نے لکھا ہے کہ بھارتی وزیر اعظم نریندر مودی کی جانب سے کشمیریوں کی جائز جدوجہد آزادی کو دہشت گردی سے تشبیہ دیتے ہوئے اسے غیر قانونی قرار دیے جانے کی ہر ممکن کوشش کی جارہی ہے اور اگر عالمی برادری نے بروقت مداخلت نہ کی تو وادی میں صورت حال مزید ابتر ہوسکتی ہے ۔میر واعظ نے عالمی برادری سے اپیل کی کہ پاکستان اور بھارت خود اس مسئلے کو حل نہیں کرسکتے لہذا اس مسئلے کا قابل عمل حل تلاش کیا جائے ۔
خبرنامہ کشمیر
مقبوضہ کشمیر کی صورتحال ،میرواعظ نےعالمی رہنماؤ ں کوخط لکھ دیا
![](http://www.millat.com/wp-content/uploads/2016/05/india-making-kashmir-institutions-redundant-mirwaiz-1463027889-3654.jpg)