خبرنامہ کشمیر

سرینگر:(ملت+اے پی پی) مقبوضہ کشمیر کے سابق وزیراعلیٰ اور نیشنل کانفرنس کے صدر فاروق عبداللہ نے کہا ہے کہ بھارت کے پاس وہ طاقت نہیں کہ کشمیر کوپاکستان سے لے سکے۔ چناب ویلی میں ایک تقریب سے خطاب کرتے ہوئے ان کا کہنا تھا کہ کشمیر کسی کے باپ کی جاگیرنہیں، پاکستان مسئلہ کشمیرکا حصے دارہے، ایک نہ ایک دن بھارت کوپاکستان سے بات کرنا ہی پڑے گی۔انھوں نے کہا کہ مسئلہ کشمیر کا حل صرف بات چیت ہے،بھارتی کہتے ہیں پاکستان کے زیرانتظام کشمیربھی ان کا ہے، کیا یہ تمہارے باپ کا ہے؟۔