خبرنامہ خیبر پختونخوا

تھانہ گندی:(ملت+اے پی پی) تھانہ گندی گارکی حدود میں وین دریا میں جا گری جس کے نتیجے میں 4 افراد جاں بحق ہوگئے۔ دیربالا میں تھانہ گندی گار کی حدود میں مسافر وہن تیز رفتاری کے باعث موڑ کاٹتے ہوئے دریائے پنچکوڑہ میں جا گری، وین کے دریا میں گرنے کے نتیجے میں 4 افراد جاں بحق جب کہ 12 افراد زخمی ہوگئے۔ پولیس کا کہنا ہے کہ حادثے میں جاں بحق ہونے والوں میں ایک خاتون بھی شامل ہیں جب کہ لاشوں اورزخمیوں کو قریبی اسپتال منتقل کردیا گیا ہے۔