صوابی:(آئی این پی) صوابی میں ملزمان اورپولیس کےدرمیان فائرنگ کے تبادلے میں ایس ایچ او شہید اورتین اہلکار زخمی ہوگئے پولیس کےمطابق مچھلی چوک زیدہ میں اشتہاری ملزمان کی موجودگی کی اطلاع پرڈیرے پر چھاپہ مارا گیا۔اس دوران ملزمان اور پولیس کےدرمیان فائرنگ کاتبادلہ ہوا۔جس کے نتیجےمیں ایس ایچ او تھانہ زیدہ اصغر خان شہیدہوگئے۔
فائرنگ سے اے ایس آئی محمد نعیم،کانسٹیبل ذوالفقار اورمرتضیٰ زخمی بھی ہوئے۔زخمیوں کو باچا خان میڈیکل کمپلکس منتقل کردیا گیا ہے۔
واقعے کےبعد پولیس کی بھاری نفری نے علاقے میں سرچ آپریشن کرکے 8 مشتبہ افراد کو گرفتار کرلیا ہے اور مزید کارروائی جاری ہے۔