خبرنامہ خیبر پختونخوا

صوابی(اے پی پی)صوابی کے محلہ گلبہار میں نامعلوم افراد کی فائرنگ سے وارڈ 3 کا جنرل کونسلر امتیاز علی جاں بحق ہوگیا ہے۔ پولیس کے مطابق محلہ گلبہار میں وارڈ 3 صوابی خاص کے ولیج کو نسلر امتیاز علی اپنے گھر کے باہر کھڑے ہوئے تھے کہ موٹر سائیکل سوار نامعلوم افراد نے فائرنگ کردی جس کے نتیجے میں امتیاز علی موقع پر ہی جاں بحق ہوگئے ۔ اطلاع ملنے پر پولیس موقع پر پہنچ گئی ،جس کے بعد لاش کو پوسٹ مارٹم کےلئے سول اسپتال منتقل کردیاگیا۔پولیس نے ملزمان کی تلاش شروع کردی ہے ۔