خبرنامہ خیبر پختونخوا

پشاور:(آئی این پی ) پاک چین اقتصادی راہداری کے معاملے پر خیبرپختونخواہ میں سیاسی جماعتوں کے تحفظا ت بدستور برقرارہیں ، آل پارٹیز کانفرنس نے زمین کی خرید و فروخت پر پابندی کا فیصلہ کرلیا- آج خیبرپختونخواہ کے دارلحکومت پشاور میں پاک چین اقتصادی راہداری کے حق میں اور وفاقی حکومت کے غیر سنجیدہ روئیے کے خلاف خیبرپختونخواہ حکومت کی جانب سے آل پارٹیز کانفرنس منعقد کی گئی ۔ آل پارٹیز کانفرنس میں حکومت اور اپوزیشن جماعتوں نے وفاق کے روئیے کے خلاف سخت مئوقف اپناتے ہوئے یہ فیصلہ کیا ہے کہ اراضی کی الاٹمنٹ خیبرپختونخوا اسمبلی کی قرار داد سے مشروط ہے ۔ اجلاس میں یہ بھی فیصلہ کیا گیا ہے کہ مغربی روٹ میں تاخیر پر مشرقی روٹ میں زمین کی خرید و فروخت پر پابندی عائد کی جائے۔ آل پارٹیز کانفرنس کے خاتمے پر خیبرپختونخوا حکومت نے راہداری کے لئے زمین کے حصول پر پابندی لگانے کے فیصلے کا اعلان کیا ہے ۔