خبرنامہ خیبر پختونخوا

پشاور:(آئی این پی) وزیراعلیٰ خیبرپختونخوا پرویز خٹک نے پشاور کے عجائب گھر میں نوادرات کی چوری کے معاملے پر تفتیش کے لئے اسلام آباد سے تحقیقاتی ٹیم طلب کرلی۔ تفصیلات کے مطابق اینٹی کرپشن ٹیم نے انکشاف کیا تھا کہ پشاور کے عجائب گھر سے کروڑوں روپے مالیت کے نوادرات غائب ہیں اس حوالے سے نوادرات چرانے اور جعلی نوادرات رکھے جانے پر اینٹی کرپشن کی ٹیم تحقیقات کررہی تھی۔ ہفتہ کو وزیراعلیٰ خیبرپختونخوا نے مزید تفتیش کے لئے اسلام آباد سے تحقیقاتی ٹیم کو طلب کرلیا جو عجائب گھر میں رکھے نوادرات کی جانچ پڑتال کرے گی۔ (ن غ)