خبرنامہ خیبر پختونخوا

پشاور(اے پی پی) پشاورکے نواحی علاقہ سربند میں پولیس اور سیکیورٹی فورسز نے سرچ آپریشن کیا۔ جس دوران 33 مشتبہ افراد کوحراست میں لیاگیا۔ پولیس کے مطابق مشترکہ سرچ آپریشن پشاورکے نواحی علاقہ سربند میں کیاگیا۔ آپریشن کے دوران 7افغان باشندوں سمیت 33 مشتبہ افراد کو حراست میں لیاگیا۔ جن کے قبضہ سے 3کلاشنکوفیں اور سینکڑوں کارتوس برآمد ہوئے۔ مشتبہ افرادکو تھانہ سربند کردیاگیاہے۔ جہاں ان سے تفتیش کاسلسلہ جاری ہے۔ آپریشن کے دوران 50کے قریب گھروں کو سنیفرڈاگز کی مددسے چیک کیاگیا۔