خبرنامہ

واشنگٹن ۔ 12 ستمبر (اے پی پی) امریکہ میں مقیم پاکستانیوں سمیت دیگر ممالک کے مسلمانوں نے عیدالاضحی روایتی جوش و جذبے اور مذہبی عقیدت و احترام سے منائی۔ پیر کو عیدالاضحی کی مناسبت سے نیویارک میں سکول بند تھے۔ 2015ء سے عیدالاضحی اور عیدالفطر پر امریکہ کے بڑے شہروں میں سکولوں میں تعطیل کی جاتی ہے جبکہ ورجینیا میں سرکاری سکولوں میں صرف عیدالفطر پر تعطیل ہوتی ہے اور اس دن سرکاری تعطیل ہوتی ہے۔ سعودی عرب میں عیدالاضحی کے ساتھ امریکہ میں بھی عید منائی جاتی ہے اور عید کا تہوار تین دن جاری رہتا ہے۔