خبرنامہ

لندن: (آئی این پی) پاکستانی بس ڈرائیور کے بیٹے صادق خان کی خالی جگہ پاکستانی مکینک کی بیٹی نے سنبھال لی ، برطانیہ میں لیبر پارٹی کی رکن روزینہ الین خان لندن کے ٹوٹنگ حلقے سے برطانوی ہاؤس آف کامنز کی رکن منتخب ہو گئی ہیں ۔ پاکستانی بس ڈرائیور کے بیٹے صادق خان کے لندن میئر منتخب ہونے کے بعد یہ نشست خالی ہوئی تھی ۔ روزینہ الین خان کے والد پاکستانی جبکہ ان کی والدہ پولش ہیں جبکہ روزینہ الین خان خود ڈاکٹر ہیں ۔ ان کے والد ٹی وی مکینک اور والدہ پیٹرول سٹیشن میں نوکری کرتی تھیں ۔ روزینہ خان نے 17 ہزار 800 جبکہ ان کے مخالف حکمران کنزرویٹو پارٹی کے امیدوار ڈین واٹکنس نے 11500 ووٹ حاصل کیے ہیں۔