خبرنامہ پاکستان

اسلام آباد: (اے پی پی)اسلام آباد میں پاناما لیکس پر تحقیقات کے لئے وزارت قانون میں اہم اجلاس ہوا جس میں پاناما لیکس کی جانب سے کئے جانے والے انکشافات کے حوالے سے مستقبل کی صورتحال پر تبادلہ خیال کیا گیا ، اجلاس میں وزیر قانون زاہد حامد کے علاوہ قانونی ماہرین نے شرکت کی اور پاناما لیکس کی جانب سے کئے جانےو الے انکشافات پر اپنے ردعمل کا اظہار کیا ۔ اجلاس میں وزیر اعظم کی جانب سے پاناما لیکس کے حوالے سے جوڈیشل کمیشن کے قیام پر بھی غور کیا گیا اور اس کمیشن کیلئے منتخب کئے جانے والے ججوں کے ناموں کا بھی جائزہ لیا گیا ۔ وزارت قانون نے فیصلہ کیا کہ اس کی جانب سے ایک نام وزیر اعظم کو منظوری کیلئے بھجوایا جائے گا اور اس کی منظوری کے بعد جوڈیشل کمیشن کے قیام کا اعلان کر دیا جائے گا ۔ اجلاس کے شرکا نے جوڈیشل کمیشن کے قواعد و ضوابط پر بھی غور کیا گیا ۔