اسلام آباد(آئی این پی)سپریم کورٹ نے سابق چیف جسٹس افتخار چودھری کو بلٹ پروف گاڑی اور سیکورٹی فراہمی کیخلاف درخواست غیر موثر ہونے کی بنیاد پر نمٹا دی ہے ۔ جسٹس ثاقب نثار کی سربراہی میں تین رکنی بینچ نے افتخار چودھری کی بلٹ پروف گاڑی سے متعلق کیس کی سماعت کی ، درخواست گزار حنیف راہی ایڈووکیٹ نے موقف اختیار کیا کہ اسلام آباد ہائیکورٹ معاملے پر تین مارچ 2016 کو فیصلہ محفوظ کر چکی ہے ، ایک ماہ سے زائد کا عرصہ گزرنے کے باوجود درخواست پر محفوظ فیصلہ نہیں سنایا گیا ، اس پر جسٹس ثاقب نثار نے ریمارکس دیئے کہ ہائیکورٹ آئینی عدالت ہے ہماری پابند نہیں ، عدالت عالیہ نے فیصلہ محفوظ کر لیا ہے تو مناسب وقت پر سنا بھی دیگی ۔ سپریم کورٹ ہائیکورٹ کو کسی قسم کی ہدایت جاری نہیں کر سکتی ۔ عدالت نے درخواست غیر موثر ہونے کی بنیاد پر خارج کر دی ۔
خبرنامہ پاکستان
افتخارچودھری کی بلٹ پروف گاڑی کے حوالے سے درخواست غیر موثر قرار
![](http://www.millat.com/wp-content/uploads/2016/04/dgdfgdf.png)