خبرنامہ پاکستان

افغان مہاجرین کے قیام کی مدت 31 دسمبر کو ختم

اسلام آباد:(ملت آن لائن) وفاقی حکومت کی جانب سے افغان مہاجرین کی واپسی میں توسیع کے حوالے سے سمری تیار نہ کی جاسکی جبکہ 4 دن بعد 31 دسمبرواپسی کی ڈیڈ لائن مقرر ہے۔

چیف کمشنر افغان کمشنریٹ سمری تیار کر رہے ہیں جو وزارت سیفران اسٹیبلشمنٹ ڈویژن کوارسال کرے گی تاہم توقع ہے آئندہ ہفتے وفاقی کابینہ کے سامنے افغان مہاجرین کے پاکستان میں قیام کی مدت میں مزید6 ماہ کی توسیع کی تجویز رکھی جائیگی جب کہ دوسری جانب سردی اوربرفباری کیوجہ سے مہاجرین کی واپسی معطل ہے۔

مجموعی طور پر2003ء کے بعدسے پاکستان نے افغان مہاجرین کو وطن واپسی کیلیے 7دفعہ توسیع دی،2003ء میں پاکستان،افغانستان اوریواین ایچ سی آر کے درمیان معاہدے کے 4سال بعد2007 ء میں افغان مہاجرین کوپہلی توسیع 3 سال، دوسری 2010ء میں 2سال، تیسری 2012ء میں3 سال،چوتھی 2015ء میں ایک سال جبکہ 2016ء میں 6,6 ماہ کیلیے پانچویں اور چھٹی دفعہ توسیع دی گئی جبکہ آخری اورساتویں دفعہ توسیع رواں برس 2017ء میں31 دسمبر تک ہوئی جسکوختم ہونے میں4دن باقی ہیں۔

………..ٕ
…….اس خبر کو بھی پڑھیے…….

کسی بھارتی فوجی نے ایل او سی کو عبور نہیں کیا، ڈی جی آئی ایس پی آر

راولپنڈی:(ملت آن لائن) ڈی جی آئی ایس پی آر میجر جنرل آصف غفور نے بھارت کی جانب سے سرحد عبور کرنے کے دعوے کو مسترد کرتے ہوئے کہا ہے کہ کسی بھارتی فوجی نے لائن آف کنٹرول کو عبور نہیں کیا آئی ایس پی آر کے ڈائریکٹر جنرل میجر جنرل آصف غفور نے اپنے ٹوئٹ میں کہا ہے کہ کسی بھی بھارتی فوجی نے لائن آف کنٹرول کو عبور نہیں کیا جب کہ بھارتی میڈیا کا یہ دعویٰ کہ بھارتی فوجیوں نے ایل او سی کو عبور کیا‘ شکست کے بعد اپنے عوام کو مطمئن کرنے کا تسلسل ہے۔