خبرنامہ پاکستان

ایم کیوایم پاکستان : کامران ٹیسوری نے اپنا استعفیٰ فاروق ستارکو دے دیا

اسلام آباد:(ملت آن لائن) ایم کیو ایم پاکستان کے ڈپٹی کنوینئر کامران ٹیسوری نے اپنا استعفیٰ فاروق ستار کو پیش کردیا ان کا کہنا ہے کہ انٹرا پارٹی انتخابات کاحصہ نہیں بنوں گا۔ تفصیلات کے مطابق متحدہ قومی موومنٹ میں اختلافات کی وجہ بننے والے کامران ٹیسوری نے بڑا فیصلہ کرلیا، متحدہ کے ڈپٹی کنوینئر کامران ٹیسوری نے اپنا استعفیٰ پارٹی کے سربراہ ڈاکٹر فاروق ستار کو بھیج دیا ہے۔ میڈیا سےگفتگو کرتے ہوئے ان کا کہنا تھا کہ میں اس وقت اسلام آباد میں ہوں، فاروق ستار سے 4 دن سے رابطے میں نہیں ہوں، کافی دنوں سے یہ تاثر دیا جارہا تھا کہ میں فاروق ستار کے فیصلوں پر اثر انداز ہورہا ہوں۔ انہوں نے کہا کہ غلط تاثرکی وجہ سے گزشتہ دنوں اپنے اہل خانہ کے ہمراہ اسلام آباد آگیا تھا، لہٰذا اب میں نے اپنا استعفیٰ پارٹی کے سربراہ کو پیش کردیا ہے۔ ڈاکٹر فاروق ستار ہی میرے سربراہ ہیں وہ جو فیصلہ کریں گے مجھے منظور ہوگا، انہوں نے کہا کہ میں انٹرا پارٹی انتخابات کا حصہ بھی نہیں بنوں گا۔ رابطہ کمیٹی چار سینیٹرز کے نام دے دے، فاروق ستار کا اپنے امیدواروں سے دستبرداری کا اعلان