خبرنامہ پاکستان

لندن:(ملت+اے پی پی) پاکستانی نژاد برطانوی باکسر کی مبینہ طور پر ایک مخرب الاخلاق ویڈیو منظر عام پر آئی ہے جس نے ان کی مشکلات میں اضافہ کردیا ہے۔ پاکستانی نژاد برطانوی باکسر عامر خان ایک مشکل سے نکلتے ہیں تو دوسری میں پھنس جاتے ہیں، ابھی ان کی اہلیہ فریال مخدوم اور والدین کے درمیان شدید لفظی گولہ باری رکی تھمی ہی تھی کہ اب ایک وڈیو منظرعام پر آگئی ہے،یہ وڈیو امریکا کی مخرب الاخلاق ویب سائیٹ پر پوسٹ کی گئی ہے۔ اس ویڈیو میں مبینہ طور پر باکسر عامر خان اپنی امریکی ماڈل دوست سے اسکائپ پر باتوں کے دوران جنسی عمل کرتے دکھائے گئے ہیں جب کہ وڈیو کے بارے میں کہا جارہا ہے کہ یہ عامر خان کی فریال مخدوم سے شادی کے چند ہی ہفتوں بعد کی ہے اور ایسی مزید 3 ویڈیوز ہیں جس کی نیلامی کے لیے بولی لگائی جارہی ہے۔ عامر خان کی جانب سے اس وڈیو کی تصدیق یا تردید سامنے نہیں آئی جب کہ عامر خان کے قریبی ذرائع کا کہنا ہے کہ یہ وڈیو عامر خان کی ذاتی زندگی کو مزید مشکلات میں ڈال سکتی ہیں کیونکہ اس وقت وہ کئی مسائل کا شکار ہیں۔