خبرنامہ پاکستان

اسلام آباد (ملت + آئی این پی) مشیر خارجہ سرتاج عزیز نے کہا ہے کہ بھارت ایل او سی اور ورکنگ باونڈری پر اشتعال انگیزی مقبوضہ کشمیر کی صورتحال سے توجہ ہٹانے کے لیے کر رہا ہے،بھارت پر کئی ممالک دباو ڈال رہے ہیں کہ وہ جارحیت بند کرے،تحریک انصاف کا مشترکہ اجلاس میں نہ آنے کا فیصلہ افسوسناک ہے،بھارت نے سارک کانفرنس کو سبوتاژکیا لیکن پاکستان کا ایسا نہیں کریگا اور میں ہارٹ آف ایشیا کانفرنس میں خود شرکت کروں گا۔ وہ منگل کو یہاں فاٹا اصلاحات کے حوالے سے منعقد کی گئی تقریب میں شرکت کے بعد میڈیا سے گفتگو کر رہے تھے ۔انہوں نے کہاکہ ترک اسکولز کے عملہ کو واپس بھیجنے سے فرق نہیں پڑے گا۔پاک امریکہ 71 برس پرانے تعلقات ہیں۔ اسلیے پاکستان ہارٹ آف ایشیا میں ضرور جائے گا۔بھارتی جارحیت کے نتیجہ میں شہادتوں اور بارڈر کی خلاف ورزی کے باوجود پاکستان ہارٹ آف ایشیا کانفرنس میں شرکت کریگا۔بھارت جا کر بھارتی ہم منصب سے سائیڈ لائن ملاقات کے بارے میں ابھی کچھ نہیں کہہ سکتا۔