خبرنامہ پاکستان

اسلام آباد: (ملت+اے پی پی) محکمہ موسمیات کے مطابق گزشتہ چوبیس گھنٹوں کے دوران مالاکنڈ، پشاور، کوہاٹ، راولپنڈی، سرگودھا، گوجرانوالہ ڈویژن، اسلام آباد اورکشمیر میں چند مقامات پر بارش اور پہاڑوں پر برفباری ہوئی جبکہ صبح اور رات کے اوقات میں پنجاب، بالائی سندھ اور خیبر پختونخوا کے میدانی علاقوں میں شدید دھند پڑی اور ملک کے دیگر علاقوں میں موسم سرد اور خشک رہا ہے۔ رپورٹ کے مطابق سب سے زیادہ بارش مالم جبہ مین 32 ملی میٹر، چراٹ14، دیر 12، رسالپور9، لوئردیر6، پاراچنار5، میرکھانی4، پشاور، چترال2، کالام، سیدوشریف، دروش اور کوہاٹ ایک، اسلام آباد6، راولپنڈی، سرگودھا5، مری، کامرہ3، منگلا2، منڈی بہاوؤالدین ایک، راولاکوٹ6، مطفرآباد4 اور گڑھی دوپٹہ میں 2 ملی میٹر بارش جبکہ مالم جبہ میں 13انچ، مری اور کالام میں ایک انچ برفباری ریکارڈ کی گئی۔ جمعرات کو ملک کے سرد ترین مقامات کے درجہ حرارت کی رپورٹ کے مطابق قلات، گوپس میں درجہ حرارت منفی8 ڈگری سینٹی گریڈ، مالم جبہ منفی7، سکردو، استور منفی 6، کالام، مری، راولاکوٹ اور بگروٹ میں منفی5 ڈگری سینٹی گریڈ ریکارڈ کیا گیا۔ محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم شدید سرد اور خشک رہے گا تاہم کشمیر اور اس سے ملحقہ پہاڑی علاقوں میں چند مقامات پر بارش اور پہاڑوں پر برفباری جبکہ پنجاب، بالائی سندھ اور خیبر پختونخوا کے میدانی علاقوں میں رات اور صبح کے اوقات میں شدید دھند کا امکان ہے