اسلام آباد ….. وزیر اعظم کی منگل کو لندن میں اوپن ہارٹ سرجری ہو گی ۔ ترجمان وزیر اعظم ہاؤس کے مطابق نواز شریف بیماری کے باوجود فرائض سےغافل نہیں ۔ پیر کو ویڈیو لنک کے ذریعے کابینہ اجلاس کی صدارت کریں گے ۔ وزیر اعلیٰ پنجاب شہباز شریف وزیر اعظم نواز شریف کی تیمار داری کے لئے اپنی فیملی کے ہمراہ لندن روانہ ہوگئے ۔ وزیر اعظم نوازشریف لندن میں بیماری کے باوجود ملکی صورتحال آگاہ ہیں ۔ انہیں لمحہ بہ لمحہ رپورٹ دی جا رہی ہے ، پیر کو ویڈیو لنک کے ذریعے کابینہ اجلاس کی صدارت کریں گے ۔ یہ کہنا ہے ترجمان وزیر اعظم ہاؤس کا ، ترجمان کے مطابق نواز شریف پیر کو پاکستان ہائی کمیشن لندن جائیں گے ۔ وہ ویڈیو لنک پر قومی اقتصادی کونسل اور وفاقی کابینہ کے اجلاسوں سے خطاب کریں گے اور آئندہ مالی سال کے وفاقی بجٹ کی منظوری دیں گے ۔ ترجمان نے بتایا کہ وزیر اعظم وفاقی وزرا اور دیگر متعلقہ حکام سے رابطے میں ہیں اور ضروری ہدایات جاری کر رہے ہیں ، وزیر اعظم کے پرنسپل و ملٹری سیکرٹریز اور دیگر عملہ ان کی معاونت کر رہا ہے ۔ ملکی معاملات میں کوئی تاخیر یا التوا نہیں ۔ ترجمان نے مزید کہا ہے کہ وزیر اعظم سرجری کے بعد بھی چیف ایگزیکٹو کے فرائض انجام دیتے رہیں گے ۔ برطانیہ میں علاج اور رہائش کے تمام اخراجات وہ خود برداشت کر رہے ہیں ۔ میڈیکل ٹیسٹ ، ڈاکٹروں کی فیس بھی ان کے اہلخانہ نے ادا کی ۔ قومی خزانے سے کوئی رقم خرچ نہیں کی جا رہی ۔ دوسری طرف وزیر اعلیٰ پنجاب شہباز شریف وزیر اعظم نواز شریف کی تیمار داری کے لئے اپنی فیملی کے ہمراہ لندن روانہ ہوگئے ۔ منگل کو وزیر اعظم کی اوپن ہارٹ سرجری ہوگی