تحریک انصاف کے اہم رہنما کی بنی گالہ کے قریب لاش برآمد، افسوسناک انکشافات
اسلام آباد (ملت آن لائن) وائس چیئرمین یوسی 8راجہ یاسر مرتضیٰ کوگلے میں پھندا ڈال کر قتل کر دیا گیا ہے معتبر راجہ یاسر بنی گالہ کے قریب لکھوال میں مردہ حالت میں پائے گئے ہیں ورثہ کے مطابق راجہ یاسر ایڈووکیٹ دو دن پہلے اغواء ہوئے تھے مقتول کی عمر 40سے 45سال تھی اور قاتل نے گلے میں پھندا ڈال کر قتل کیا گیا ہے ، لاش 2سے 3دن پرانی ہے علاقائی افراد کے لاش کی خبر پولیس تک پہنچائی آن لائن کے رابطے پر پولیس ذرائع کا کہنا تھا کہ لاش دوپہر کے وقت کنارہ ریسٹورنٹ بنی گالہ کے قریب سے بر آمد کی گئی ہے اور ہم نے مقتول کی لاش کو پولی کلینک شفٹ کر دیا ہے جبکہ مقتول پی ٹی آئی اسلام آباد ریجن کے صدر راجہ خرم نواز کے قریبی ساتھی تھے ۔
………………………..
اس خبر کو بھی پڑھیے….پاکستان کا نام ایف اے ٹی ایف کی گرے لسٹ میں شامل نہیں
اسلام آباد:(ملت آن لائن) فنانشل ایکشن ٹاسک فورس (ایف اے ٹی ایف) نے پیرس میں ہونے والے اجلاس کے بعد پاکستان کو ’گرے لسٹ‘ میں شامل نہیں کیا۔ اجلاس کے بعد جاری ہونے والے اعلامیے میں پاکستان کا نام موجود نہیں۔ ترجمان الیگزینڈر ڈانیالے نے کہا ہے کہ ایف اے ٹی ایف پاکستان کا نام گرے فہرست میں شامل کرنے کی خبروں کی ذمہ دار نہیں ہے۔ ترجمان کے مطابق پاکستان کو تادیبی اقدامات کرنے کے لیے 3 ماہ کا وقت دیا گیا ہے اور اس دوران پاکستان نے یہ اقدامات نہ اٹھائے تو اس کے لیے مشکلات ہوسکتی ہیں۔ قبل ازیں نمائندہ جیونیوز کے مطابق ترجمان ایف اے ٹی ایف کا کہنا تھا کہ فی الحال پاکستان سے متعلق سب قیاس آرائیاں ہیں اور بھارتی سفارت کار کچھ چیزیں لیک کررہے ہیں۔ واضح رہے کہ پیرس میں فنانشل ایکشن ٹاسک فورس کے اجلاس کا آج (23 فروری) آخری دن تھا جس میں پاکستان کا نام ’گرے لسٹ‘ میں ڈالے جانے کے حوالے سے اہم فیصلہ کیا جانا تھا۔
پاکستان کوابھی تک ایف اے ٹی ایف رپورٹ کا انتظار ہے: دفتر خارجہ
دوسری جانب ترجمان دفتر خارجہ کا کہنا ہے کہ رواں برس 20 جنوری کو امریکا اور برطانیہ نے ایف اے ٹی ایف کو پاکستان کو گرے ممالک کی فہرست میں شامل کرنے کی درخواست کی تھی۔ ترجمان کے مطابق ‘ایف اے ٹی ایف میں پیش کردہ تحفظات امریکی ہیں اور پاکستان نے ان میں سے بیشتر تحفظات کے حوالے سے پہلے ہی اقدامات کیے ہیں اور اس سلسلے میں ایک ایکشن پلان پر باقاعدہ عملدرآمد شروع کر رکھا ہے’۔
امریکا پاکستان کو دہشت گردوں کی معاونت کرنیوالے ممالک کی لسٹ میں شامل کرانے کیلیے متحرک
ترجمان دفتر خارجہ کا مزید کہنا تھا کہ ‘پاکستان کو ابھی تک ایف اے ٹی ایف اور انٹرنیشنل کوآپریشن ریویو گروپ (آئی سی آر جی) کی رپورٹس کا انتظار ہے’۔
بھارتی میڈیا کا دعویٰ
واضح رہے کہ بھارتی میڈیا رپورٹس میں آج یہ دعویٰ کیا گیا تھا کہ پاکستان کو گرے لسٹ میں شامل کرنے کا فیصلہ کرلیا گیا ہے، تاہم اب اس دعوے کی ایف ٹی ایف اے اور پاکستان کی جانب سے تردید کردی گئی ہے۔ دوسری جانب 21 فروری کو وفاقی وزیر خارخہ خواجہ آصف نے دعویٰ کیا تھا کہ پیرس میں فنانشل ایکشن ٹاسک فورس (ایف اے ٹی ایف) کے اجلاس میں پاکستان پر دہشت گردی کا لیبل لگانے کی امریکی کوشش ناکام ہوگئی کیونکہ واچ لسٹ میں پاکستان کا نام شامل کرانے کی قرارداد پر اتفاق نہیں ہوسکا اور معاملہ 3 ماہ کے لیے مؤخر کردیا گیا۔
پاکستان پر دہشت گردی کا لیبل لگانے کی امریکی کوشش ناکام
تاہم امریکی محکمہ خارجہ کے ایک سینئر اہلکار نے پاکستان کے خلاف قرارداد موخر کرنے سے متعلق اطلاعات کی تصدیق سے گریز کیا تھا۔ امریکی حکام کا کہنا تھا کہ ٹاسک فورس کی کارروائی خفیہ رکھی جاتی ہے اور حتمی اعلان تک کچھ کہنا ممکن نہیں۔
فنانشل ایکشن ٹاسک فورس
فنانشل ایکشن ٹاسک فورس کے ارکان کی تعداد 37 ہے جس میں امریکا، برطانیہ، چین، بھارت اور ترکی سمیت 25 ممالک، خیلج تعاون کونسل اور یورپی کمیشن شامل ہیں۔ تنظیم کی بنیادی ذمہ داریاں عالمی سطح پر منی لانڈرنگ اور دہشت گردوں کی مالی معاونت روکنے کے لیے اقدامات کرنا ہیں۔ عالمی واچ لسٹ میں پاکستان کا نام شامل ہونے سے اسے عالمی امداد، قرضوں اور سرمایہ کاری کی سخت نگرانی سے گزرنا ہوگا جس سے بیرونی سرمایہ کاری متاثر ہوگی اور ملکی معیشت پر منفی اثرات مرتب ہوں گے۔ خیال رہے کہ اس سے قبل 2012 سے 2015 تک بھی پاکستان ایف اے ٹی ایف واچ لسٹ میں شامل تھا۔
’اثر معیشت سے زیادہ امیج پر ہوگا‘
جیو نیوز سے گفتگو کرتے ہوئے ماہر معاشیات محمد سہیل نے کہا کہ گرے لسٹ میں شامل ہونے کا اثر پاکستان کی معیشت سے زیادہ اس کے امیج پر پڑے گا۔ سہیل کے مطابق غیر ملکی ممالک کے ساتھ بنکنگ ٹرانزیکشنز پر تھوڑا بہت اثر ہوگا تاہم اس کا اثر تجارت پر زیادہ نہیں ہوگا۔ ان کا کہنا تھا کہ شاید پاکستان کو تھوڑی زیادہ بنکنگ فیس دینا ہوگی۔ ان کا مزید کہنا تھا کہ حکومت جب اگلی مرتبہ یورو بونڈ جاری کرے گی تو فہرست میں شامل کیے جانے کا اثر اس پر پڑ سکتا ہے۔