اسلام آباد (آئی این پی) قومی اسمبلی میں ترک گرینڈ نیشنل اسمبلی کے اسپیکر کی وفد کے ہمراہ ایوان میں آمد، ارکان نے کھڑے ہو کر ڈیسک بجا کر استقبال کیا، تمام جماعتوں کے پارلیمانی رہنماؤں نے چند مقدمی کلمات کا اظہار کیا، اپوزیشن کی جانب سے قائد حزب اختلاف سید خورشید شاہ اور حکومت کی جانب سے وزیر موسمیاتی تبدیلی زاہد حامد نے خوش آمدید کہا، پارلیمانی رہنماؤں نے پاک ترک تعلقات کو مضبوطی کی جانب لے کر جانے کا عزم کیا۔ منگل کو قومی اسمبلی میں ترک گرینڈ نیشنل اسمبلی کے اسپیکر کی وفد کے ہمراہ ایوان کی کارروائی دیکھی۔ اس موقع پر پی ٹی آئی کے پارلیمانی لیڈر شاہ محمود قریشی، پاک ترک فرینڈشپ گروپ کے کنوینئر پرویز ملک، جماعت اسلامی کے صاحبزادہ طارق اللہ ، محمود خان اچکزئی اور دیگر رہنماؤں نے پاک ترک تعلقات پر روشنی ڈالی۔ انہوں نے کہا کہ ترکی نے مسئلہ کشمیر کو کشمیری عوام کے امنگوں کے مطابق استصواب رائے سے حل کرنے کیلئے عالمی دنیا میں ہمیشہ پاکستان کے موقف کی تائید کی ہے، ترکی برادر ملک ہے اور ابتداء سے ہی پاکستان اور ترکی کے بہترین تعلقات ہیں۔(اح+ع ح)
خبرنامہ پاکستان
ترک گرینڈ نیشنل اسمبلی کے اسپیکر کی وفد کے ہمراہ پارلیمنٹ ہاؤس آمد، شاندار استقبال
![](http://www.millat.com/wp-content/uploads/2016/04/APP06-12Islamabad.jpg)