اسلام آباد (آئی این پی)صدر مملکت ممنون حسین نے کہا ہے کہ دہشت گردوں کو اللہ نے گمراہ کردیا ہے،جسے اللہ گمراہ کر دیتا ہے اسے کوئی ہدایت نہیں دے سکتا، ایسے لوگوں کا واحد علاج یہی ہے جہ انھیں کیفیت کردار تک پہنچا دیا جائے، کراچی سمیت ملک کے تمام حصوں میں دہشت گردی کے مکمل خاتمے تک کارروائیاں جاری رہیں گی اور قانون کی حکمرانی مکمل طور پر قائم کی جائے گی۔ وہ ہفتہ کو یہاں سرحد یونیورسٹی کے بارہویں کانووکیشن سے خطاب کر رہے تھے ۔اس موقع پر ہوئر ایجوکیشن کمیشن کے چئیرمین ڈاکٹر مختار احمد نے بھی اظہار خیال کیا۔صدرمملکت نے کہا کہ پاکستان صنعت معیشت اور ٹیکنالوجی کے شعبوں میں ایک نئے دور میں قدم رکھنے جارہا ہے۔ بدلے ہوئے حالات میں اگر قوم عہد نو کے تقاضوں کے تقاضوں سے قدم ملا کر چلتی رہی تو اس کے نتیجے میں ترقی اور خوش حالی قوم کا مقدر بن جائے گی۔صدر مملکت نے اس امر پر افسوس کا اظہار کیا کہ ماضی میں پاکستان کے بہترین محل وقوع سے فائدہ نہیں اٹھایا گیا جس کے نتیجے میں ملک ترقی نہ کرسکا۔لیکن یہ امر باعث مسرت ہے کہ اب یہ معاملہ قومی ترجیحات میں شامل ہو چکا ہے اور اس پر تیز رفتاری سے کام جاری ہے۔صدر مملکت نے کہا کہ خیبر پختونخوا اور قبائلی علاقوں میں بدترین دہشت گردی کے باوجود یہاں کے بہادر عوام چٹان کی طرح ڈٹے رہے۔ عوام اور قومی سلامتی کے اداروں کی ان قربانیوں کی وجہ سے دشمن پسپا ہو چکا ہے اور ملک میں امن و امان کا سورج طلوع ہورہا ہے اور دہشت گردی دم توڑ رہی ہے۔ انھوں نے سرحد یونیورسٹی کے فاصلاتی تعلیم کے پروگرام کو قبائلی علاقوں تک فوری طور پر وسعت دینے کی ہدایت کی۔صدرمملکت نے کہا کہ پاک چین اقتصادی راہداری منصوبہ محض سڑکوں کے ایک وسیع جال پر ہی مشتمل نہیں بلکہ یہ ایک وسیع البنیاد ترقیاتی منصوبہ ہے،جس سے بھرپور فائدہ اٹھانے کے لئے سائنس ٹیکنالوجی ، زرعی تحقیق، مواصلات، انفارمیشن ٹیکنالوجی اور اقتصادی علوم میں مہارت حاصل کرنی ہوگی تاکہ اقتصادی راہداری اور گوادر پورٹ فعال ہونے کے بعد مختلف شعبوں کے ماہرین کے لئے ہمیں غیروں کی طرف نہ دیکھنا پڑے۔ان جواب نے واضح کیا کہ اقتصادی راہداری کے روٹ میں کوئی تبدیلینہیں کی گئی اس سلسلے ہونے والا پروپیگنڈہ حقیقت پر مبنی نہیں۔ انھوں نے نوجوانوں کو ہدایت کی کہ وہ یکسوئی کی ساتھ ترقیاتی منصوبوں کی حمایت کریں تاکہ یہ بروقت مکمل ہوسکیں اور ملک کی معیشت مستحکم ہوسکیں۔ صدر مملکت نے اس موقع پر نمایاں کارکردگی کا مظاہرہ کرنے والے طلبہ میں انعامات تقسیم کئے۔
خبرنامہ پاکستان
جسے اللہ گمراہ کر دیتا ہے اسے کوئی ہدایت نہیں دے سکتا،ممنون حسین
![](http://www.millat.com/wp-content/uploads/2016/02/fhdfgd.jpg)