جہیز کی رقم میں کرپشن پر سابق سیکریٹری سندھ ورکرز بورڈ سمیت 7 افسران کو قید
کراچی:(ملت آن لائن) جہیز کی رقم میں کرپشن پر سابق سیکریٹری سندھ ورکرز بورڈ سمیت 7 سرکاری افسران کو قید اور جرمانے کی سزا سنادی گئی۔ کراچی میں احتساب عدالت نے غریب مزدورں کی بیٹوں کے لئے دی گئی جہیز کی رقم میں خرد برد سے متعلق ریفرنس کا فیصلہ سنادیا۔ عدالت نے سندھ ورکرز بورڈ کے سابق سیکریٹری سمیت 7 ملزمان کو سزا سنادی۔ احتساب عدالت نے سابق سیکریٹری سندھ ورکرز ویلفئیر بورڈ صلاح الدین مغل کو 10 سال قید اور 15 لاکھ جرمانے کی سزا سنائی۔ دوسرے مجرم محمد عرفان کو بھی 10 سال قید اور 15 لاکھ جرمانے کی سزا سنادی۔ دیگر مجرمان مدد علی شیخ، محمد وسیم، غلام مصطفی، محمد انیس اور ظفر اقبال کو 7، 7 سال قید کی سزا سنائی گئی جبکہ پانچ پانچ لاکھ روپے سے زائد کا جرمانہ بھی عائد کیا گیا۔
سندھ حکومت کا جہیز 50 ہزار روپے تک مقرر کرنے پر غور
قومی احتساب بیورو (نیب) نے بتایا کہ مجرموں نے غریب مزدوروں کی بچیوں کے لئے دیئے گئے فنڈز میں کرپشن کی۔ مجرموں نے مجموعی طور پر جعلی اور بوگس دستاویزات سے 3 کروڑ روپے سے زائد کی رقم خرد برد کی۔