اسلام آباد(آئی این پی)وزیر اعظم نواز شریف نے خواتین کو بااختیار کر نے سے متعلق قومی پالیسی بنانے کے لیے دس رکنی کمیٹی بنادی ۔ کمیٹی کو پانچ مارچ تک سفارشات پیش کرنے کی ہدایت کردی گئی ۔ وزیر اعظم نواز شریف نے خواتین کو بااختیار بنانے کے لیے دس رکنی کمیٹی بنادی ہے ۔ کمیٹی کو تمام سفارشات 5 مارچ تک پیش کرنے کی ہدایت کردی گئی ہے ۔ قومی پالیسی کا اعلان 8 مارچ کو خواتین کے عالمی دن کے موقع پر کیا جائے گا ۔ کمیٹی کے کنوینئر وفاقی وزیر موسمی تغیرات زاہد حامد ہوں گے ۔ کمیٹی کے ارکان میں وزیر مملکت صحت عامہ سائرہ افضل تارڑ ، وزیر مملکت آئی ٹی انوشہ رحمان ، معاون خصوصی خواجہ ظہیر احمد ، اشتر اوصاف ، ڈاکٹر شذرہ منصب ، شائستہ پرویز ملک ، عائشہ رضا فاروق ، ارم بخاری ، ڈاکٹر اعجاز منیر اور سیکرٹری کابینہ ڈویژن عباس شامل ہیں ۔ وزیر اعظم آفس کا کہنا ہے کہ پالیسی کو ملکی و غیر ملکی قوانین کی روشنی میں حتمی شکل دینے کیلئے تمام فریقین کی مشاورت کے بعد ورکنگ پیپر تیار کر لیا گیا ہے ۔
خبرنامہ پاکستان
خواتین کو بااختیار بنانے کا عزم ، قومی پالیسی بنانے کیلئے دس رکنی کمیٹی قائم
![](http://www.millat.com/wp-content/uploads/2016/03/ZXZ.jpg)