لاہور (مانیٹرنگ ڈیسک) دنیا میں کئی شخصیات پاناما لیکس میں نام آنے پر اپنے عہدوں سے مستعفی ہو گئیں ، پاناما لیکس سامنے آنے کے بعد کئی اہم شخصیات اپنے عہدوں سے الگ ہو گئیں ۔
5 اپریل 2016 کو آئس لینڈ کے وزیر اعظم نے پاناما پیپرز میں نام آنے کے بعد استعفیٰ دے دیا ۔ آئس لینڈ کے وزیر اعظم اور ان کی اہلیہ نے آف شور کمپنی ویٹرس بنا رکھی تھی ۔ یوکرائن کے وزیرا عظم نے 10 اپریل 2016 کو پاناما پیپرز میں نام آنے کے باعث عہدہ چھوڑ دیا ۔ 15اپریل 2016 کو سپین کے وزیر صنعت مستعفی ہوگئے ،
ان کا نام بھی پاناما پیپرز میں آیا تھا ۔ ٹرانسپیرنسی انٹرنیشنل چلی کے صدر نے 4 اپریل 2016 کو پناما پیپرز میں نام آنے پر عہدہ چھوڑ دیا ، فیفا ایتھکس کمیٹی کے ممبر جان پیڈ رودامیانی نے پاناما لیکس میں نام آنے پر مزید کام کرنے سے معذرت کر لی ۔
اے بی این ایمبرو بینک کے سپروائزری بورڈ کے ممبر بیرٹ میزستادت نے 7 اپریل 2016 کو پاناما لیکس میں نام آنے پر استعفیٰ پیش کر دیا