خبرنامہ پاکستان

دھرنا معاملے پر احسن اقبال کو مستعفی ہو جانا چاہیے: فواد چودھری
اسلام آباد:(ملت آن لائن) پاکستان تحریک انصاف (پی ٹی آئی) کے رہنما فواد چودھری نے دھرنا آپریشن کی ناکامی پر حکومت کو شدید تنقید کا نشانہ بناتے ہوئے کہا ہے کہ حکومت کی سیاسی حیثیت ختم ہونے کی وجہ سے ایک خلا پیدا ہوا۔ دھرنا وفاقی وزارتِ داخلہ کی اجازت سے ہوا کیا یہ مذاق نہیں ہے۔ دنیا کو تاثر ملا کہ دنیا کے چھٹے بڑے اور ایٹمی قوت کے حامل ملک میں حکومت نام کی کوئی چیز نہیں ہے۔ ان کا کہنا تھا کہ اس معاملے پر اگر کسی وزیر کو مستعفی ہونا چاہیے تو وہ احسن اقبال ہیں۔ فواد چودھری کا کہنا تھا کہ جو پولیس آفیسر شہید ہوا اس کی شہادت کا ذمہ دار احسن اقبال نہیں تو اور کون ہے؟ پولیس اور ایف سی اہلکاروں کو آنے والے زخموں پر وزیرِ داخلہ کا سر شرم سے جھک جانا چاہیے تھا۔