سابق صدرپرویز مشرف نےاین آراو جاری کرنے کا ملبہ اس وقت کے وزیراعظم شوکت عزیزکی ایڈوائس اور قومی مفاد پر ڈال دیا ۔ سپریم کورٹ میں تحریری جواب جمع کرا دیا گیا ۔
این آر او کیس میں پرویز مشرف کیجانب سے جمع جواب میں کہا گیا ہے کہ آرڈیننس جاری کرنے کی ایڈوائس وزیراعظم نے بھیجی تھی ۔ جس پر ملکی مفاد کو دیکھتے ہوئے دستخط کیے ۔ مقصد سیاسی انتقام کا خاتمہ،قومی مفاہمت کا فروغ اور صاف شفاف انتخابات کا انعقاد تھا ۔ این آراوملک کے بہترین مفاد میں جاری کیا گیا۔ اس میں بد نیتی کا کو عنصر شامل نہیں تھا ۔ اس وقت کے سیاسی حالات کو مدنظر رکھتے ہوئے این آراو قانون بنایا ۔
تحریری جواب میں یہ بھی کہا گیا کہ سپریم کورٹ نے این آراوکوکالعدم قرار دیا۔این آر او کا اجراء کرکے کوئی غیر قانونی کام نہیں کیا ۔ جواب میں سپریم کورٹ سے این آر اور قانون سے متعلق دائر درخواست ناقابل سماعت قرار دینے کی استدعا بھی کی گئی ہے ۔