خبرنامہ پاکستان

اسلام آباد -(اے پی پی) سینٹ نے پاکستان انٹرنیشنل ایئرلائنز کارپوریشن کو پبلک لمیٹڈ کمپنی میں تبدیل کرنے کا بل پاکستان انٹرنیشنل ایئرلائنز کارپوریشن (تبدیلی) بل 2015ء مسترد کردیا۔ جمعہ کو ایوان بالا میں وفاقی وزیر موسمیاتی تبدیلی زاہد حامد نے تحریک پیش کی کہ پاکستان انٹرنیشنل ایئرلائنز کارپوریشن (تبدیلی) بل 2015ء کو قومی اسمبلی کی منظور کردہ صورت میں زیر غور لایا جائے۔ ایوان کے ارکان کی اکثریت نے تحریک کی مخالفت کی۔ ڈپٹی چیئرمین مولانا عبدالغفور حیدری نے ارکان سے تحریک کے حق یا مخالفت میں الگ الگ رائے لی تو ارکان کی اکثریت نے تحریک اور بل کو مسترد کرنے کے حق میں رائے دی۔