شہباز شریف کو بڑی خوشخبری مل گئی،نااہلی کیلئے دائر کردہ درخواست مسترد
لاہور(ملت آن لائن) لاہورہائی کورٹ نے وزیراعلی پنجاب شہباز شریف کی نااہلی کیلئے دائر کردہ درخواست مسترد کردی۔میڈ یا رپورٹس کے مطابق لاہور ہائی کورٹ میں وزیراعلی پنجاب میاں شہباز شریف کی نااہلی کے لیے دائر درخواست پر سماعت ہوئی۔درخواست گزار نے موقف اختیار کیا کہ وزیراعلی پنجاب شہباز شریف آئینی طور پر دو عہدے اکٹھے رکھ نہیں سکتے، وزیراعلی شہباز شریف ماس ٹرانزٹ اتھارٹی کےشریک چیئرپرسن بھی ہیں، اس طرح انہوں نے اپنے اٹھائے گئے حلف کی خلاف ورزی کی ہے جس کے نتیجے میں وہ آرٹیکل 62 اور 63 کے تحت اہل نہیں رہے۔درخواست گزار نے استدعا کی کہ عدالت میاں شہباز شریف کو وزارت اعلی سے نااہل قرار دے، کیس کا فیصلہ سنانے تک انہیں وزیراعلی کی حیثیت سے کام کرنے سے روکے۔ ہائی کورٹ نے شہباز شریف کی نااہلی کیلئے دائر کردہ درخواست مسترد کردی۔