خبرنامہ پاکستان

طاہرالقادری اور مصطفیٰ کمال کا ٹیلیفونک رابطہ
لاہور:(ملت آن لائن) پاکستان عوامی تحریک (پی اے ٹی) کے سربراہ ڈاکٹر طاہر القادری اور پاک سرزمین پارٹی (پی ایس پی) کے چیئرمین مصطفی کمال کی کل لاہور میں ملاقات ہوگی۔ ڈاکٹر طاہر القادری کا پی ایس پی کے چیئرمین مصطفی کمال سے ٹیلفونک رابطہ ہوا۔ ڈاکٹر طاہر القادری نے ماڈل ٹاؤن سانحہ اور باقر نجفی رپورٹ پر عوامی تحریک کے مؤقف کا ساتھ دینے اور حمایت میں کھل کر بیان دینے پر مصطفیٰ کمال کا شکریہ ادا کیا اور انہیں لاہور آ کر ملاقات کی دعوت دی۔ دونوں رہنماؤں نے بین الااقوامی اور ملک کی حالیہ سیاسی صورتحال پر بھی تبادلہ خیال کیا۔ عوامی تحریک نے سانحہ ماڈل ٹاؤن کی تحقیقاتی رپورٹ حاصل کرلی مصطفی کمال نے ڈاکٹر طاہر القادری کی دعوت قبول کرتے ہوئے ان کو بھرپور تعاون کا یقین دلایا اور کہا کہ پی ایس پی شروع دن سے ماڈل ٹاؤن پر واضح مؤقف رکھتی ہے اور جسٹس باقر نجفی کی رپورٹ شائع ہونے کے بعد اب واضح ہو گیا ہے کہ پنجاب کے وزیراعلیٰ شہباز شریف اور وزیر قانون رانا ثناء اللہ قتل و غارت گری کے ذمہ دار ہیں۔ مصطفی کمال کی جانب سے طاہر القادری کی ملاقات کی دعوت قبول کرلینے کے بعد کل بروز ہفتہ (9 دسمبر) پی ایس پی کا وفد لاہور پہنچے گا۔ ماڈل ٹاؤن رپورٹ کے سیاسی اثرات پی ایس پی کے وفد میں سیکریٹری جنرل رضا ہارون اور وائس چیئرمین افتخار رندھاوا شامل ہوں گے۔ ملاقات کے دوران ماڈل ٹاؤن رپورٹ پر تفصیلی بات چیت اور اس کے مندرجات کو سامنے رکھتے ہوئے مستقبل کے لائحہ عمل پر تبادلہ خیال کیا جائے گا۔