عالمی دنیا میں پاکستان کے خلاف سازشیں ہورہی ہیں، بلاول بھٹو
واشنگٹن:(ملت آن لائن) چیئرمین پاکستان پیپلز پارٹی بلاول بھٹو زرداری نے کہا ہے کہ دنیا اپنی کمزوریاں چھپانے کے لیے پاکستان پر الزامات لگا رہی ہے، عالمی دنیا میں پاکستان کے خلاف سازشیں سب کے سامنے ہیں۔ ان خیالات کا اظہار انہوں نے امریکی ٹی وی کو انٹرویو دیتے ہوئے کیا، بلاول بھٹو کا کہنا تھا کہ صرف پیپلز پارٹی پاکستان کو موجودہ بحران سے نکال سکتی ہے، گزشتہ چار سال میں عالمی معاملات سے متعلق ہمارا موقف پیش نہیں کیا گیا۔ انہوں نے کہا کہ امریکا، نیٹو فورسز افغانستان میں ناکام ہوچکی ہے، افغانستان میں ناکامی کی ذمہ داری پاکستان پر عائد نہیں کی جاسکتی، اب پاکستان کو دفاع کا موقع ملنا چاہیے جبکہ عالمی کمیونٹی کو پاکستان سے تعاون کی ضرورت ہے۔
بلاول بھٹو کا مقبوضہ کشمیر میں کیمیائی اسلحے،پیلٹ گنزکی تحقیقات کا مطالبہ
سربراہ پیپلز پارٹی بلاول بھٹو کا کہنا تھا کہ بھارت بلوچستان میں دہشت گردی کررہا ہے، پاکستان شدت پسندی کے خلاف لڑنےکو ہمیشہ تیار ہے۔ ان کا مزید کہنا تھا کہ پاناما کا رونا دھونا ختم کریں اور ملک کی بات کریں، آئندہ الیکشن میں کامیاب ہوئے تو قوم کو مایوس نہیں کریں گے۔
امریکیوں سےزیادہ پاکستانیوں نےدہشت گردی کےخلاف قربانیاں دیں‘ بلاول بھٹو
خیال رہے گذشتہ روز بلاول بھٹو زرداری نے امریکی ٹی وی کو ہی انٹرویو دیتے ہوئے کہا تھا کہ ڈونلڈ ٹرمپ کا پاکستان مخالف ٹویٹ شاید کچھ امریکیوں کی خواہش ہو، امریکی صدر کے ٹویٹ سے پاکستانیوں کو دکھ پہنچا جبکہ ڈونلڈ ٹرمپ کا ٹویٹ میرے لیے زیادہ تکلیف دہ تھا۔ یاد رہے کہ رواں برس یکم جنوری کو امریکی صدر ڈونلڈ ٹرمپ نے کہا تھا کہ پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔