اسلام آباد :(ملت آن لائن) وزیراطلاعات فوادچوہدری کا کہنا ہے کہ ربیع الاول شایان شان طریقےسےمنایاجائے گا، عالمی رحمتہ ا للعالمینﷺکانفرنس کا افتتاح وزیراعظم کریں گے جبکہ حضرت محمدﷺکے شایان شان پروگرام ترتیب دیے ہیں۔
تفصیلات کے مطابق وزیراطلاعات فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا حکومت نے ماہ ربیع الاول سرکاری سطح پر منانے کا فیصلہ کیا ہے، ربیع الاول شایان شان طریقے سے منایا جائے گا، اس سلسلے میں وزارت اطلاعات نے محمد مصطفیُ سرکار دوعالم رحمت العالمین رسول اللہ صلی اللہ علیہ و آلہ وسلم کے شایان شان پروگرام ترتیب دیئے گئے ہیں، عالمی رحمتہ ا للعالمینﷺکانفرنس کا افتتاح وزیر اعظم کریں گے۔
حکومت پاکستان نے ماہ ربیع الاول کو سرکاری طور پر منانے کا فیصلہ کیا ہے، اس سلسلے میں وزارت اطلاعات نے محمد مصطفیُ سرکار دو عالم رحمت العالمین رسول اللہ صلی اللہ علیہ و آلہ وسلم کے شایان شان پروگرام ترتیب دیئے گئے ہیں۔ عالمی رحمت آلعامینُ کانفرنس کا افتتاح وزیر اعظم کریں گے۔
یاد رہے 7 نومبر کو وزیراعظم عمران خان نے وزیراطلاعات فواد چوہدری سے ملاقات کی تھی، جس میں رحمتہ اللعالمین ﷺکانفرنس کے انعقاد پر تنظیمی کمیٹی تشکیل دی گئی تھی، کمیٹی میں فوادچوہدری، نورالحق قادری، افتخاردرانی، فیصل جاوید اوربابراعوان شامل ہیں جبکہ عامر لیاقت اورعلی محمد خان بھی کمیٹی کا حصہ ہوں گے۔
واضح رہے وزیرِاعظم عمران خان نے علماء ومشائخ کے ساتھ خود رابطے میں رہنے کا فیصلہ کرتے ہوئے کہا تھا کہ جلد دو روزہ ختم نبوت عالمی کانفرنس منعقد کی جائے گی، جس میں امام کعبہ،جامعہ الازہرکے وائس چانسلر،شام کےمفتی سمیت عراق اورتیونس کے علمائےکرام شریک ہوں گے۔
دریں اثنا وزیرِاعظم نے وزیرِ مذہبی امور کے ساتھ ملاقات میں 12 ربیع الاوّل شایان شان طریقے سے منانے کا اعلان کرتے ہوئے بارہ ربیع الاول کے حوالےسے صوبوں کو ہدایات جاری کردیں تھیں۔
وزیرِاعظم عمران خان کا کہنا تھا کہ ہم پُر امن اسلام کے تصور کو دنیا کے سامنے پیش کرنا چاہتے ہیں۔
اس موقع پر وفاقی وزیرِ مذہبی امور کا کہنا تھا کہ اسلام آباد میں 2 روزہ ختمِ نبوّت عالمی کانفرنس میں علمائے اکرام حضورﷺ کی سیرتِ مبارکہ پر روشنی ڈالیں گے۔
دوسری جانب وزیراعظم نے پی ٹی آئی کے اجلاس میں ملک گیر مشائخ کانفرنس کا فیصلہ کیا ، جس کی صدارت وزیراعظم کریں گے، اعجاز چودھری کے مطابق کانفرنس جناح کنونشن سینٹر اسلام آباد میں ہوگی، جس کی تاریخ کا اعلان جلد کیا جائےگا۔