فروخت شدہ موبائل فونز کا ڈیٹا ریکور کرکے بلیک میل کرنےوالا ملزم گرفتار
اسلام آباد:(ملت آن لائن) وفاقی تحقیقاتی ادارے (ایف آئی اے) نے لڑکی کو واٹس ایپ پر بلیک میل کرنے والے ملزم کو گرفتار کرلیا۔ ایف آئی اے حکام کے مطابق ملزم حماد خورشید راولپنڈی میں موبائل فون کا کاروبار کرتا ہے جس کے خلاف شہری طارق نے شکایت کی تھی۔ ملزم خریدے گئے موبائل فونز کا ڈیلیٹ شدہ ڈیٹا ریکور کرلیتا اور اس میں شامل ویڈیوز اور تصاویر کی مدد سے لوگوں کو بلیک میل کرتا تھا۔ ایف آئی اے حکام نے ملزم سے موبائل فونز برآمد کرکے تفتیش شروع کر دی ہے۔ حکام کا مزید کہنا تھا کہ ملزم لڑکی سے ڈیٹا ڈیلیٹ کرنے کے بدلے ایک لاکھ روپے مانگ رہا تھا۔