خبرنامہ پاکستان

فوج اور پولیس کا مشترکہ آپریشن، 19 افراد گرفتار
پشاور:(ملت آن لائن) گلبرگ اور ریگی کے علاقوں میں فوج اور پولیس نے مشترکہ سرچ آپریشن کرتے ہوئے 19 مشتبہ افراد کو حراست میں لے لیا۔ پشاور کے علاقے گلبرگ اور ریگی میں آرمی اور پولیس نے مشترکہ سرچ آپریشن کیا۔ اس دوران نشان زد گھروں کی تلاشی لی گئی تو وہاں سے اسلحہ اور منشیات برآمد ہوئی۔ آپریشن کے دوران 19 مشکوک افراد کو گرفتار کرلیا گیا۔ پولیس نے بتایا کہ مشترکہ آپریشن کے دوران مجموعی طور پر 80 گھروں کی تلاشی لی گئی اور کرایہ داری ایکٹ کی خلاف ورزی پر 4 افراد کے خلاف قانونی چارہ جوئی بھی کی گئی۔حال ہی میں پشاور میں دہشت گردی کے حملوں میں اضافہ ہوا ہے۔ یکم دسمبر کو زرعی یونیورسٹی ڈائریکٹوریٹ پر مسلح افراد کے حملے میں 9 افراد جاں بحق اور 32 زخمی ہوگئے تھے جب کہ 24 نومبر کو حیات آباد میں زرغونی مسجد کے قریب بم دھماکے میں ایڈیشنل آئی جی ہیڈ کوارٹر محمداشرف نور اپنے محافظ حبیب اللہ سمیت جاں بحق ہوگئے تھے۔