لاہور: آصف زرداری کی داتا دربار اور بی بی پاک دامن کی درگاہ پر حاضری
لاہور: (ملت آن لائن) آصف زرداری نے لاہور میں ڈیرے ڈال لئے۔ داتا دربار اور بی بی پاک دامن کی درگاہ پر حاضری دی۔ پیپلز پارٹی نے الیکشن کیلئے تیاریاں تیز کر دیں۔ پنجاب میں امیدواروں کی تلاش کے لئے اجلاس طلب کر لیا گیا۔سابق صدر آصف زردای نے حضرت علی ہجویری المعروف داتا گنج بخش کے مزار پر حاضری دی، پھولوں کی چادر چڑھائی اور فاتحہ خوانی کی۔ اس موقع پر پیپلز پارٹی لاہور کے صدر حاجی عزیز الرحمن چن، فیصل میر اور علامہ یوسف اعوان بھی سابق صدر کے ہمراہ تھے۔اس موقع پر آصف زرداری کو تبرک کے طور چادریں پہنائی گئیں۔سابق صدر نے گڑھئ شاہو میں واقع بی بی پاک دامن کے مزار پر بھی حاضری دی اور فاتحہ خوانی کی۔ آصف زرداری تنگ گلیوں سے گزر کر مزار پر پہنچے اور ملک و ملت کی سلامتی کے لئے دعا مانگی۔ سابق صدر کی آمد کے موقع پر سکیورٹی کے اسخت انتظامات بھی کئے گئے تھے۔
……………………
اس خبر کو بھی پڑھیے…خان صاحب کو خیبر پختونخوا سے بھی کچھ نہیں ملے گا: چانڈیو
کراچی: (ملت آن لائن) رہنماء پاکستان پیپلز پارٹی مولا بخش چانڈیو نے کہا ہے کہ نواز شریف کا رویہ آنے والے دور کیلئے مشکلات کھڑی کرے گا، خان صاحب کو سندھ کیا، خیبر پختونخوا سے بھی کچھ نہیں ملے گا۔ انہوں نے نون لیگ پر سندھ کا پانی بند کرنے کا الزام بھی لگا دیا۔مولا بخش چانڈیو نے مزید کہا کہ لاڈلے سعودی عرب دعا کیلئے گئے ہیں لیکن ان پر مزید مشکل وقت آئے گا، سندھ کا پانی بغیر کسی شیڈول بند کرایا گیا جس کے خلاف احتجاج کر رہے ہیں، زمینیں غیرآباد کرانے کیلئے پانی بند کرنے کا فیصلہ نون لیگ ہی کر سکتی ہے۔انہوں نے مزید کہا کہ نیب نے ماضی میں جو سندھ کیساتھ کیا، اس کی تلافی ممکن نہیں، نیب کو یہ طریقہ کار نہیں اپنانا چاہئے، ہم عدلیہ کا احترام کرتے ہیں تاہم، وفاقی اداروں پر قوم کا اعتماد بحال کرانے کی اشد ضرورت ہے، عدلیہ کا احترام کرنے کے باوجود تمام سختی ہمارے لئے ہے۔مولا بخش چانڈیو نے یہ بھی کہا کہ حکومت نے گنے کے کشتکاروں کیساتھ انصاف نہیں کیا، نیب کے آئی او نے جو انکوائری کر کے فیصلہ کرایا ہے، وہ درست نہیں ہے، آپ بار بار ایسے موقع فراہم کرتے ہیں کہ سندھ کے لوگ آپکے خلاف کھڑے ہو جائیں۔