لندن میں نواز اور شہباز کی طویل ملاقات
لندن: (ملت آن لائن) شہباز شریف اپنے صاحبزادے سلمان شہباز اور صاحبزادی کے ہمراہ پارک لین فلیٹ پہنچے اور کلثوم نواز کی عیادت کی۔ اس موقع پر نواز شریف اور شہباز شریف کے درمیان طویل ملاقات بھی ہوئی۔ ملاقات میں حسن نواز، حسین نواز اور سلمان شہباز بھی شریک تھے۔ ذرائع کے مطابق ملاقات میں سیاسی صورتحال اور نیب کیسز پر تبادلہ خیال کیا گیا۔ ملاقات کے دوران طے پایا کہ شریف فیملی متحد ہو کر سازشوں کا مقابلہ کرے گی۔ ملاقات میں نواز شریف نے مریم نواز، حمزہ شہباز اور سلمان شہباز کو مل کر کام کرنے اور آپسی رابطے بہتر بنانے کی ہدایت کی۔
ملاقات میں اتفاق رائے ہوا کہ شریف فیملی کے خلاف سازشیں کی جارہی ہیں تاہم خاندان متحد ہے اور سازشوں کو ملکر ناکام بنائیں گے۔ ملاقات میں سیاسی صورتحال اور نیب کیسز پر بھی مشاورت ہوئی اور طے پایا کہ مریم نواز، حمزہ شہباز اور سلمان شہباز مل کر کام کریں گے۔ نوازشریف نے تینوں بچوں کے درمیان رابطے بہتر بنانے کی بھی ہدایت کی۔
واضح رہے کہ نوازشریف کی 3 نومبر جمعے کو احتساب عدالت میں پیشی ہے جبکہ پچھلی سماعت میں پیش نہ ہونے پر ان کے قابل ضمانت وارنٹ گرفتاری بھی جاری کردیے گئے تھے۔
سابق وزیراعظم میاں نوازشریف آج برطانیہ سے روانہ ہوں گے اور کل صبح وطن واپس پہنچیں گے۔
ایکسپریس نیوز کے مطابق سابق وزیراعظم میاں نوازشریف نے وطن واپسی کیلئے ٹکٹ بک کروالیا ہے۔ وہ آج لندن سے روانہ ہوں گے اور پی آئی اے کی پرواز ’پی کے 786‘ کے زریعہ کل صبح 9 بجے اسلام آباد پہنچیں گے۔