راولپنڈی (آئی این پی) راولپنڈی اسلام آباد سمیت ملک کے بیشتر علاقوں میں موسم خشک رہے گا تاہم بالائی بلوچستان ، فاٹا ، کشمیر میں چند مقامات پر گرج چمک کے ساتھ ہلکی بارش متوقع ہے۔ محکمہ موسمیات نے جمعہ سے پیر کے دوران ملک میں مزید بارشوں کی پیشگوئی کی ۔ جمعہ کی شام سے اتوار کے دوران کوئٹہ ، ڑوب ، قلات ، نصیر آباد ، سبی ڈویژن میں کہیں کہیں تیز ہواؤں اور گرج چمک کے ساتھ بارش کا امکان ہے۔ جمعہ سے پیر کے دوران فاٹا ، بالائی خیبر پختونخواہ ، گلگت بلتستان اور کشمیر میں کہیں کہیں تیز ہواؤں اور گرج چمک کے ساتھ بارش جبکہ ہفتہ سے اتوار کے دوران بالائی پنجاب ، اسلام آباد ، میں کہیں کہیں تیز ہواؤں اور گرج چمک کے ساتھ بارش کی پیشنگوئی کی گئی ۔ اس دوران ڈیرہ غازی خان ، ڈیرہ اسماعیل خان ، ملتان ، ساہیوال ، فیصل آباد اور لاہور ڈویڑن میں بھی چند مقامات پر تیز ہواؤں اور گرج چمک کے ساتھ بارش کا امکان ہے۔ اتوار اور پیر کے دوران بارشوں کے باعث مالاکنڈ ، ہزارہ ڈویژن ، گلگت بلتستان اور کشمیر میں مزید لینڈ سلائیڈنگ کا خدشہ ہے۔
خبرنامہ پاکستان
محکمہ موسمیات کی جمعہ سے پیر تک بیشتر علاقوں میں مزید بارشوں کی پیش گوئی
![](http://www.millat.com/wp-content/uploads/2016/04/fdgdf-4.png)