خبرنامہ پاکستان

لندن:(آئی این پی)مسلم لیگ (ن) کو عمران خان کی سابق اہلیہ جمائما کی رہائش گاہ کے باہر مظاہرے کی اجازت مل گئی۔ ن لیگی کارکن 17 اپریل کو ویسٹ لندن میں جمائما کے گھر کے باہر مظاہرہ کریں گے۔ اطلاعات ہیں کہ مظاہرے کے دوران عمران خان بھی لندن میں موجود ہوں گے۔ یو کے میں مسلم لیگ (ن) کے صدر زبیر گل نے بتایا کہ مظاہرے میں برطانیہ بھر سے لیگی کارکن شرکت کریں گے۔ پاکستان تحریک انصاف نے پاناما لیکس معاملے کیخلاف لندن میں وزیراعظم نواز شریف کے صاحبزادے حسین نواز کی رہائشگاہ کے باہر مظاہرہ کیا تھا۔ میڈیا رپورٹس کے مطابق مظاہرے میں تحریک انصاف کے 100 سے زائد کارکنوں نے شرکت کی اور نعرہ بازی بھی کی۔