مشترکہ مفادات کونسل کا اجلاس
اسلام آباد:(ملت آن لائن) وزیراعظم شاہد خاقان عباسی کی زیرصدارت مشترکہ مفادات کونسل کا اجلاس معنقد ہوا، کے فور منصوبے کے تحت کراچی کواضافی پانی فراہم کرنے کی منظوری پھرمؤخر ہوگئی ہے. وزیر اعظم شاہد خاقان عباسی کی سربراہی میں ہونے والے اس اجلاس میں سندھ، کے پی کے، بلوچستان کے وزرائے اعلیٰ نے شرکت کی. پنجاب کی نمائندگی وزیر خزانہ ڈاکٹر عائشہ غوث نے کی. اس موقع پر گذشتہ اجلاسوں کے فیصلوں پرعمل درآمد کا جائزہ لیا گیا. وفاقی وزیرتعلیم و تربیت کی متعلقہ امور پر بریفنگ دی. اجلاس کے اعلامیہ کے مطابق تعلیم و تحقیق کے ادارے قائم کرنا حکومت کی ذمہ داری ہے، تعلیم وتحقیق کے اداروں کے قیام کے لئےمرکز اور صوبوں کا مشترکہ کوششوں پراتفاق کیا گیا ہے.
کراچی : مختلف علاقوں میں پانی کا بحران شدت اختیار کرگیا
اعلامیہ کے مطابق ایچ ای سی میں7 صوبائی ممبران شامل کرنے کا فیصلہ کیا گیا ہے.7 ماہرین تعلیم کے ناموں کی حتمی منظوری وزیراعظم دیں گے. اجلاس میں ایچ ای سی میں ہر صوبے کی نمائندگی کو یقینی بنانے کا عزم کیا گیا ہے.
وفاق سندھ میں پانی کا بحران پیدا کررہا ہے، مراد علی شاہ
اعلامیہ کے مطابق وزارت آبپاشی کو ارسا معاہدے کے تحت رپورٹ پیش کرنے کی ہدایت کی گئی ہے. البتہ کے فور منصوبےکےتحت کراچی کواضافی پانی فراہم کرنے کی منظوری پھرمؤخر ہوگئی ہے. یاد رہے کہ موسم گرما کی آمد کے ساتھ ہی کراچی پانی کے شدید بحران میں مبتلا ہوجاتا ہے۔ ماہرین اس بھی شدید بحران کی پیش گوئی کر رہے ہیں۔