خبرنامہ پاکستان

نیویارک ۔ 21 ستمبر (ملت نیوز…اے پی پی) وزیراعظم محمد نواز شریف نے کہا ہے کہ مشرق وسطیٰ میں خلفشار شدت اختیار کر رہی ہے لہٰذا داعش کو شکست دینے کیلئے بین الاقوامی کوششوں کی فوری ضرورت ہے۔ بدھ کو اقوام متحدہ کی جنرل اسمبلی سے اپنے اہم خطاب میں انہوں نے کہا کہ داعش کو شکست دینے کیلئے علاقائی اور بیرونی طاقتوں کے مختلف النوع مقاصد اور ترجیحات کو ہم آہنگ کرنا ضروری ہے، ناانصافی کے غلبہ میں امن کو استوار نہیں کیا جا سکتا۔ فلسطین کا دیرینہ المیہ بین الاقوامی برادری کی طرف سے پرعزم اقدام کا تقاضا کرتا ہے۔