موجودہ حکومت نے ملک کو مسائل کے دلدل میں دھکیل دیا: بلاول بھٹو
کراچی:(ملت آن لائن) پاکستان پیپلز پارٹی کے چیئرمین بلاول بھٹو زرداری نے کہا ہے کہ موجودہ حکومت نے ملک کو مسائل کے دلدل میں دھکیل دیا، پاکستان کو ان لٹیروں سے نجات دلائیں گے۔ ان خیالات کا اظہار انہوں نے ہولو گرام کے ذریعے کارکنوں سے خطاب کرتے ہوئے کیا، بلاول بھٹو کا کہنا تھا پیپلز پارٹی ملک میں جمہوریت کی محافظ ہے ہماری آمریتوں کے خلاف جدوجہد کی طویل تاریخ اور شہادتیں موجود ہیں۔ انہوں نے کہا کہ سینیٹ میں الیکشن میں کامیابی ہماری بہتر پالیسی کی بدولت ممکن ہوئی، پیپلز پارٹی 2018 کے عام انتخابات میں بھی بھرپور کامیابی حاصل کرے گی اور ملک کو لٹیروں سے پاک کریں گے۔
بلاول بھٹو کی عمران خان اور شہبازشریف کو کراچی سے الیکشن لڑنے کی دعوت
سربراہ پی پی کا کہنا تھا کہ ہمارے پاس غربت کے خاتمے کا مکمل پروگرام موجود ہے، پیپلز پارٹی تمام طبقات کی نمائندہ جماعت ہے، عام انتخابات میں کامیاب ہونے کے بعد پارٹی اپنے کئے وعدے پورے کرے گی۔ بلاول بھٹو کا مزید کہنا تھا کہ ملک بھر میں ممبر سازی مہم کا آغاز کر دیا ہے، عوام سے مطالبہ کرتے ہیں کہ وہ اس مہم میں ہمارا ساتھ دیں، پیپلز پارٹی روٹی کپڑا اور مکان کا وعدہ پورا کرے گی۔
عمران خان کی شکل میں دوسرا بانی ایم کیوایم قبول نہیں، بلاول بھٹو زرداری
خیال رہے کہ گذشتہ دنوں اے آر وائی نیوز کو خصوصی انٹرویو دیتے ہوئے بلاول بھٹو زرداری نے کہا تھا کہ پییپلز پارٹی آئندہ عام انتخابات میں اہم اقدامات کرے گی، رضا ربانی سے متعلق ان کا کہنا تھا کہ 2018 کے الیکشن میں ان سے کراچی میں کچھ خاص کام لینا چاہتے ہیں۔