خبرنامہ پاکستان

موسیقی و مصوری کونصاب کا حصہ بنانے کا فیصلہ
اسلام آباد:(ملت آن لائن) وفاقی حکومت نے قومی کلچرپالیسی کے تحت ملک بھر کے اسکولوں میں جماعت اول سے میٹرک تک کے نصاب میں موسیقی، رقص اورمصوری کو بطور مضمون شامل کرنے کا فیصلہ کیا ہے۔ قومی ثقافت کومحفوظ بنانے کیلیے قومی کلچر پالیسی کا مسودہ تیار کر لیا گیا، پاکستان میں موجود تاریخی ورثے کے تحفظ اور نوجوانوں کو ثقافت سے روشناس کرانے کیلیے موسیقی، رقص اور مصوری کونصاب کاحصہ بنایا جائے گا اور پہلی جماعت سے دسویں جماعت تک طالبعلموں کو اس کی باقاعدہ تعلیم دی جائے گی۔ پالیسی کی تیاری میں صوبہ پنجاب، خیبر پختونخوا، بلوچستان، سندھ، آزاد کشمیر اورگلگت بلتستان کے علاوہ نامور ادکاروں، فنکاروں اور ہنرمندوں سے بھی مشاورت کی گئی۔