خبرنامہ پاکستان

لاہور: (ملت+آئی این پی) عوامی مسلم لیگ کے سربراہ شیخ رشید نے کہا ہے کہ نواز شریف سپریم کورٹ میں کیس ہاریں یا جیتیں مگر عوامی عدالت میں وہ ہار چکے ہیں‘ملک میں اپوزیشن عمران خان اور شیخ رشید کی وجہ سے زندہ ہے کیونکہ باقی سب تو نواز شریف کے ہاتھ کی چھڑی اور جیب کی گھڑی ہیں اور اگر ہم نہ ہوں تو سارے چینل بھی بیکار ہو جائیں ‘ حکومت ڈان نیو ز کیس سے نہیں بچ سکے گی کیونکہ یہ اداروں کا فیصلہ ہے اور دنیا ادھر کی ادھر ہو سکتی ہے مگر اداروں کا فیصلہ بدل نہیں سکتا ‘کسی کے آنے یا جانے سے اداروں کو فرق نہیں پڑتا سمندر کی تہہ میں مگر مچھ بیٹھے ہوئے ہیں ‘نواز شریف سے حکومت نہیں چل رہی مگر ضد کئے بیٹھے ہیں اور ضد کا انجام برا ہوتا ہے‘آصف علی زرداری راحیل شریف کے ہوتے ہوئے تو پاکستان نہیں آئے مگر انہوں نے حکومت سے بہترڈیل کی اور ڈاکٹر عاصم کر رہا کرا لیا‘ سپریم کورٹ میں ثبوت اور نواز شریف کے سیاسی تابوت بھی ائیں گے اور کفن بھی ہو گا اور نواز شریف کی سیاست دفن ہو گی‘میں رکن اسمبلی ہوں مگر دو بار جہاز سے اتارا گیا ‘ ایل این جی کی دستاویزات قوم کو دکھائی جائیں ۔لاہور میں جہانگیر بدر کے اہل خانہ سے تعزیت کے بعد میڈیا سے گفتگو کرتے ہوئے شیخ رشید احمد نے کہا کہ حکومت اور جمہوریت کو جتنا نقصان سپیکر ایاز صاد ق نے پہنچایا کسی اور نے نہیں پہنچایا ، کوئی بھی یہ ماننے کو تیار نہیں کہ نواز شریف نے عوام کے پیسے سے مے فیئر فلیٹ نہیں خریدے ۔ انہوں نے کہا کہ نواز شریف سپریم کورٹ میں کیس ہاریں یا جیتیں مگر عوامی عدالت میں وہ ہار چکے ہیں اگر عوا م کی عدالت میں ہارا ہوا یہ سمجھ رہا ہے کہ اس نے اقتدار کو بچا لیا تو جس ذلت سے یہ اقتدار بچاہے اس سے تو نہ ہی پچتا تو اچھا تھا۔ایک سوال کے جواب میں شیخ رشید نے کہا کہ جنرل راحیل شریف بڑا باعزت وقت گزارا ہے ، پاک فوج اورپوری قوم ان کو یاد رکھے گی ۔راحیل شریف نے پاکستان کے اند ر سے انڈیا کے ایجنٹ ختم کے اس لیے بھارت لائن اف کنٹرول پر فائرنگ کررہا ہے تاہم بیس کروڑ لوگ پاکستا ن پر جان دینے کو تیار ہیں‘ملکی سرحدوں کو چھیرا گیا تو پھر کچھ نہیں بچے گا۔انہوں نے کہا کہ پرانا لاہور شہباز شریف کے لاہور سے بہت بہتر تھا آصف علی زرداری راحیل شریف کے ہوتے ہوئے تو پاکستان نہیں آئے مگر انہوں نے حکومت سے بہترڈیل کی اور ڈاکٹر عاصم کر رہا کرا لیا ۔ملک میں اپوزیشن عمران خان اور شیخ رشید کی وجہ سے زندہ ہے کیونکہ باقی سب تو نواز شریف کے ہاتھ کی چھڑی اور جیب کی گھڑی ہیں اور اگر ہم نہ ہوں تو سارے چینل بھی بیکار ہو جائیں ۔عوامی مسلم لیگ کے سربراہ نے ایک سوال پر جواب دیتے ہوئے کہا کہ سپریم کورٹ میں ثبوت اور نواز شریف کے سیاسی تابوت بھی ائیں گے اور کفن بھی ہو گا اور نواز شریف کی سیاست دفن ہو گی ۔میں رکن اسمبلی ہوں مگر دو بار جہاز سے اتارا گیا ، ایل این جی کی دستاویزات قوم کو دکھائی جائیں ۔