خبرنامہ پاکستان

نوجوانوں کاعمران خان کے گھر باہر احتجاج
اسلام آباد(ملت آن لائن)چیئرمین تحریک انصاف عمران خان کی رہائش گاہ کے باہر انصا ف سٹوڈنٹس فیڈریشن نے میاں اقبال کو آئی ایس ایف کا صدر بنانے کے خلاف احتجاجی مظاہرہ کیا ‘ مظاہرین کا موقف تھا کہ میاں اقبال کو آئی ایس ایف کرم ایجنسی کا صدر بناا ناانصافی ہے۔ ہفتہ کو عمران خان کی رہائش گاہ بنی گالہ کے باہر انصافسٹوڈنٹس فیڈریشن نے احتجاج کیا۔ مظاہرین نے ہاتھوں میں بینرز اور کتبے اٹھا رکھے تھے۔ مظاہرین کا موقف تھا کہ میاں اقبال کو آئی ایس ایف کرم ایجنسی کا صدر بنانا ناانصافی ہے۔ میاں اقبال کی تقرری میرٹ کی خلاف ورزی ہے۔ مظاہرین نے مطالبہ کیا کہ میاں اقبال کو ہٹا کر کرم ایجنسی میں میرٹ کی بنیاد پر صدر کا تقرر کیا جائے۔