ٹیکسلا(ملت آن لائن) ٹیکسلا میں پولیس اور حساس اداروں نے سرچ آپریشن کے دوران 20 کلو بارودی مواد اور اسلحہ برآمد کرلیا۔
پولیس اور حساس اداروں نے ٹیکسلا کے علاقے میں سرچ آپریشن کیا جہاں کارروائی کے دوران ایک گھر سے 20 کلو گرام بارودی مواد، 35 ڈیٹونیٹرز، بڑی مقدار میں اسلحہ اور غیرملکی کرنسی برآمد کی گئی ہے۔
فورسز کی جانب سے قبضے میں لیے گئے اسلحے میں 12 بور بندوقیں اور 8 ایم ایم رائفل شامل ہیں۔