پاک امریکہ تعاون خطے کے لیے انتہائی اہمیت کا حامل ہے‘ جان سلیوان
واشنگٹن:(ملت آن لائن) امریکی نائب وزیرخارجہ جان سلیوان کا کہنا ہے کہ بعض علاقائی عناصرافغانستان میں عدم استحکام دیکھنا چاہتے ہیں۔ واشنگٹن میں وزیرداخلہ احسن اقبال کی امریکی نائب وزیرخارجہ جان سلیوان سے ملاقات میں پاک امریکہ تعلقات پرتفصیلی تبادلہ خیال کیا گیا۔ اس موقع پراحسن اقبال نے کہا کہ دہشت گردوں کے خلاف کامیابیاں نیشنل ایکشن پلان کے تحت حاصل کی گئیں، پاکستان نے امن حاصل کرنے کے لیے بھاری قیمت ادا کی۔ وزیرداخلہ نے کہا کہ پاکستان آئندہ نسلوں کو پرامن پاکستان دینے کے لیے پرعزم ہے، اندرونی امن سے پاکستان میں اقتصادی ترقی ہورہی ہے۔ احسن اقبال نے کہا کہ پاک امریکہ تعلقات کے لیے مشترکہ فریم ورک تیارکرنے کی ضرورت ہے جبکہ افغانستان کا امن پاکستان کی ترقی کے لیے انتہائی اہم ہے۔ دوسری جانب امریکی نائب وزیرخارجہ جان سلیوان نے کہا کہ پاک امریکہ تعاون خطے کے لیے انتہائی اہمیت کا حامل ہے، بعض علاقائی عناصرافغانستان میں عدم استحکام دیکھنا چاہتے ہیں۔
پاکستان میں ڈرون حملے برداشت نہیں کیےجائیں گے‘ احسن اقبال
یاد رہے کہ گزشتہ روز امریکہ میں وزیرداخلہ احسن اقبال نے میڈیا سے گفتگو کرتے ہوئے کہا تھا کہ پاکستان میں سیکیورٹی آپریشن کے لیے کسی سے بھیک نہیں مانگی، دہشت گردی کے خلاف جنگ اپنے وسائل سے لڑی۔