خبرنامہ پاکستان

لاہور(ملت + آئی این پی) چائے والے سے شہرت پانیوالے ارشد خان نے عمران خان کے دھرنے میں شرکت نہ کرنے کا دوٹوک اعلان کردیا اور کہاکہ کوئی بھی فضول بات کرے تو وہ اس کا جواب ہی نہیں دیتا، تاکہ آئندہ کوئی غلط بات نہ کرے۔ جمعرات کو اپنے ایک انٹر ویو میں ارشد خان نے کہا کہ کسی پارٹی سے کوئی تعلق ہے اور نہ ہی کسی پارٹی کا شوق ہے ، عمران خان کے دھرنے میں بھی جانے کا ارادہ نہیں ، جب سے پیداہواہوں تو آج تک کسی جلسے میں گیا ہوں اور نہ ہی کبھی دھرنے میں شرکت کی ، اپنے کام سے کام رکھتاہوں ، اسی لیے یہاں تک آگیا۔ ارشد خان کاکہناتھا کہ خاموشی اور عزت سے اپنا کام کرتاہوں ، صبح کام پرآتاہوں اور شام کو چلا جاتاہوں ، کسی کو فضول بات کاجواب ہی نہیں دیتا۔