خبرنامہ پاکستان

اسلام آباد: (آئی این پی) اسلام آباد میں کشمیر کانفرنس کے دوران مقامی حریت رہنما سلیم ہارون نے احتجاج کرتے ہوئے اپنی قیمض پھاڑ دی ۔ حریت رہنما کا کہنا ہے کہ باتوں سے کسی کا پیٹ بھرتا نہیں ، پاکستانی سیاستدان مسئلہ کشمیر پر صرف اپنی سیاست چمکاتے ہیں ۔ اسلام آباد میں کشمیر کانفرنس کے دوران بدمزگی ، مقامی حریت رہنما سلیم ہارون کشمیر پالیسی سے ناراض ، کہتے ہیں باتوں سے کسی کا پیٹ بھرتا نہیں ، وہ احتجاج کرتے ڈائس کے سامنے آئے اور اپنی قمیض پھاڑ دی ۔ سلیم ہارون کا کہنا تھا کہ کشمیر کمیٹی مؤثر انداز میں مسئلہ کشمیر کو اجاگر کرنے میں ناکام ہوچکی ہے ۔ پاکستانی سیاستدان صرف اپنی سیاست چمکاتے ہیں ۔ مقامی حریت رہنما نے کہا کہ عالمی سطح پر مسئلہ کشمیر کو درست انداز میں نہیں اٹھایا جا رہا ، باتوں کی بجائے عملی اقدامات ہونے چاہییں ۔