خبرنامہ پاکستان

کیوی کرکٹ: فیلڈرپرنسلی تعصب برتنے پرٹیم کا ’’واک آؤٹ‘‘ بیٹسمین معطل
ویلنگٹن:(ملت آن لائن) کیوی کلب کرکٹ میں گذشتہ دنوں دوران میچ حریف بیٹسمین کی جانب فیلڈر پر نسلی تعصب پر مبنی فقرے کسے جانے پر پوری ٹیم نے ’واک آؤٹ‘ کردیا۔
لیون کلب کے بیٹسمین نے حریف ٹیم کاپیٹی اولڈ بوائز کے بھارتی نژاد پلیئر پر نسلی جملے کسے تھے، جس پر پوری ٹیم نے یکجہتی کا مظاہرہ کرتے ہوئے تقریباً30 اوورز قبل میدان سے واپس ڈریسنگ روم کی راہ لے لی تھی،اس معاملے پر مذکورہ پلیئر کو6 ہفتوں کیلیے معطل کرتے ہوئے اس سے تحریری معذرت بھی کرائی گئی ہے۔
اس واقعے پر ہورو وینوا کاپیٹی کرکٹ ایسوسی ایشن کے چیف ایگزیکٹیو ڈیوڈ اوبرائن نے کہا ہے کہ ہمیں کلب اور پلیئرز کے ساتھ ملکر کام کرنے پر فخر ہے بدقسمتی سے یہ واقعہ پیش آیا، مذکورہ بیٹسمین نے کلب اور حریف پلیئر سے تحریری معذرت بھی کی ہے، تعصب کا نشانہ بننے والے ایشین پلیئر نے میڈیا سے بات نہیں کی تاہم میڈیا میں ان کا نام میور کے گروناتھن آرہا ہے، ان کے والدین کا تعلق بھارت اور سری لنکا سے بتایا جارہا ہے۔